Pont e La Chanal es la darriera comuna d’la Val Varacha drant de passar en França. Es formaa da diferentas ruaas e fraccions, amont e aval del lac artificial del Chastèl.
Domini de lhi Evescos d’Turin, era feud di Senhors de Pont (XII secle). Puèi ven unit a Chasteldalfin e a Blins, e n’en condivid lo destin. Formava embè Blins e Chasteldalfin la Chastelada, un de lhi Escartons del Briançonés, e ental 1713 passa al Renh Sabaud. Ental 1743 se passon aicì de batalhas entre lhi exercits sabauds e franco-espanhòls.
A La Chanal, darrierament intraa ental circuït “Lhi borgs pus bèls d’Italia”, la gleiseta de S. Antòni, d’origin romanic-gòtica, presenta un bel cloquier a vela e un cicle de frescs retrobat ental 2004 e que remonta a la premiera metat del XV sec. Un autar en bòsc policròm se tròba en l’absida d’la parroquiala de S. Lorenç.
Pont e La Chanal es centre per vacanças d’istaa e per espòrts envernals, embè bònas estructuras toristicas e esportivas.
En ocasion des festas patronalas òmes, fremas e mainaas pòrton la vesta tradiccionala. Lo Musèu des Vestas e de l’Artisanat di tissuts de l’auta Val Varacha en cò de l’antica Mission Capucina d’La Chanal n’en garda una meravilhosa collecion. En ruaa Chastèl es ben enteressant lo Musèu d’la Mobilia d’l’auta Val Varacha embè una preciosa collecion de mobilia antica e exposicions tematicas que chambion tuchi lhi ans. Lo Chastèl e Lo Vilarèt son ponchs de partença per las promenadas al bòsc de l’Alevè e ai sius lacs (Banhor e Sec).

DA VEIRE:
– Antica Parroquiala d’Sant’Antòni, Ruaa La Chanal – Parroquiala d’Sant Lorenç, Ruaa La Chanal
– forn de Ruaa Forest (lo darrier sobrevivut di forns des ruaas, de la fin del Quatre Cents; aquì dapè lhi a un potz); – Musèu des Vestas e de l’Artisanat di tissuts
– Musèu d’la Mobilia d’l’auta Val Varacha

Informacions Utilas

Autessa: 1400/3841 m
Distança da Coni: 66 km
Ruaas e fraccions: Lo Chastèl, La Chanal, Forest, La Rejançana, La Madalena, Rueitas, Celetas, Vilarèt
Patron: S. Maria Madalena (22 de lulh)
Centres esportius e servicis: champs da fotbòl a 5, tennis, pallavòl (ruaa La Madalena), area sosta camper, parc juecs per mainaas, area picnic (ruaa La Madalena)
Espòrts estius: promenadas, mtb, bici, rampinhada, equitacion, wind surf, kite surf e canòa, pescha
Espòrts envernals: esquì nòrdic e alpin, esquì alpinisme, chastras, cascadas de glaç
Comuna
Ruaa La Madalena, tel. 0175.950174
• Ofici toristic
Piazza Santa Caterina. orari: Dubèrt a lulh e avost
• CRI
Ruaa La Madalena 45, tel. 0175.950131
• Farmacia
Arm. Farmaceutico, Ruaa La Madalena, tel. 0175.950402
• Pòsta
Ruaa La Madalena, tel. 0175.950179. orari: lun., mer. e ven
• Tabacs
Mini Market Ruaa La Madalena 49, tel. 0175.950176
• Companhia transpòrts
BusCompany, tel. 0175.478811; www.buscompany.it/ati
Bancomat, dinstributor automatic tabacs
Jorn de merchat: mars matin (d’istaa)

Web: www.comune.pontechianale.cn.it
E-Mail: pontechianale@ruparpiemonte.it