Entre lo Viso e lo Mont Brac, Peisana es al centre d’la val Pò. Dividut en dui borgs sus las doas ribas del Pò, chamats en italian coma las doas parròquias Santa Maria (a nòstra mòda Peisana d’içai) e Santa Marguerita (Peisana d’ilai), lo paìs encuei es centre de vacanças e temps libre.
Jà feude di Marqués de Saluces, lhi Savòia lo obtenon ental 1601 (embè lo Tractat de Lion). Del chastèl que se se trobava sobre la via per Plan Croes, après lo passatge di Francés ental 1585 reston mec las fondamentas e nombrosas legendas.
Chal navisar las doas parroquialas, la confraternita de santa Maria frescaa del pintre local Giovanni Borgna, la ruaa Guisòla, richa d’anticas construccions, Chaucinieras embè la glèisa de l’Uech Cents dediaa a sant’Antòni e lo jòli portal renaissimental, e Alhasc, ruaa plaçaa ent’un cròs embè un panorama maravilhós sal Viso. Ental valon del Croes se tròba lo santuari d’la Madòna d’l’Orient de la fin del Set Cents, dedicat a l’Anonciaa, centre de la devoccion locala.
Interessantas testimonianças preistòricas son las incisions sus ròcha al Bric Lombatera, dapè Plan Monet (1384 m), benlèu lhi rests d’un antic luèc de culte.