Plaçat en la valada del riu omònim, Isascha es lo paìs pus pichòt de la valada, estremat entre bòscs de fraisses e chastanhiers. Lo topònim, embè sa terminacion en –asca, demonstraria l’origina celt-ligura de l’ensediament. Territòri de Bonifaci del Vast e puèi (1142) di Marqués de Saluces, que lo donon en feud ai Senhors de Venascha e autres feudataris. Ental 1548 passa sot lo Delfinat de França e ental 1601, embè lo tractat de Lion, ai Savòia. Ental 1617 Carlo Emanuele I lo dona, embè titol comital, ai Della Chiesa de Turin. Entre 1928 e 1947 es estat agregat a la comuna de Venascha.
Lhi a mec pus quarque roina del chastèl de lhi antichs feudataris. La parroquiala, dedicaa a Sant Maxim, garda d’la primitiva gleisa gòtica part de l’absida e las còstas d’la vòuta a crotz que pòtjon sus dui chapitèls del ‘400.

DA VEIRE:
– Parroquiala de Sant Maxim
– antica gava d’marmo (estremaa da tuscha e bosquina; l’estraccion de la preciosa peira finìs benlèu a la fin de l’Uech Cents);

Informacions Utilas

Autessa: 660 m
Distança da Coni: 34 km
Ruaas e Fraccions: Lhi Balaors, Còl, Meiras, Meiròt, Nazars, Peròt, Lhi Poncins, Ponet, Rinaud, Truc
Patron: Sant Chafred, la premiera diamenja de Setembre
Centres esportius: champ da bòchas
Espòrts estius: mtb, bici
Comuna
via Capoluogo 22, tel. 0175.567240

Web: www.isasca.gov.it
E-Mail: isasca@ruparpiemonte.it