Es lo centre religiós d’la valada: mila pelerins e toristas tuchi lhi ans monton al Santuari d’la Madòna d’la Misericòrdia.
La comuna es plaçaa sal drech cant tuschós d’la Comba d’Vermala, ental valon que pòrta lo mesme nom, s’la drecha orografica d’la Val Varacha. Lo topònim arsòna las duras condicions ambientalas, la terra esterla, a l’ubac, e l’isolament dal rest d’la valada. Lo paìs era proprietat d’l’evesco d’Turin, que l’enfeuda ai Senhors d’Verzòl. Ental 1172 aquesti lo donon coma omatge feudal ai Marqués de Saluces. Passa puèi ai Savòia (XVI sec.) qu’ental 1598 lo donon en feud ai De la Roche. Ven puèi donat ai Porporato d’Luserna ental 1622.
La gleisa parroquiala, dedicaa a S. Joan Baptista, es estaa arfacha tota ental 1865 s’l’antic edifici gòtic realizat dai Templars. A 1379 metres se tròba lo frequentat Santuari d’la Madòna d’la Misericòrdia (fòto en aut), realizat ental 1849-79, ente, per la tradiccion, lhi auria agut l’aparicion d’la Madòna.
Lo centre esportiu pòlivalent, la nòva area camper e lo rich circuït de pistas fan d’Vermala lo pòst ideal per lhi apassionats de l’esquì nòrdic.
DA VEIRE:
– Chapèla d’la SS. Anonciaa ruaa Clòt Martin (frescs di Blasàs, seconda metat del XV sec.)
– Santuari d’la Madòna d’la Misericòrdia
Informacions Utilas
Autessa: 831 m
Distança da Coni: 36 km
Ruaas e Fraccions: Lhi Arvèts, Bodon, Chapelin, La Gleisa, Clòt, Clòt del Bòsc, Clotàs, Clòt Martin, Chastralet, Chofran, Cuchet, Favieras, Lo Gai, Gregari, Meira Bòta, Meira del Metz, Meira Nicet, Meira Trista, Molin Bògi, Novaira Sobeirana, Novaira Sotana, Palanchaa Sobeirana, Palanchaa Sotana, Paradisòt, Parasac Sotan, Parasac Sobeiran, Paraor, Piròt, Reòla, Rora, Santuari-Lo Clòt, Sarnaud, Serras, Aquò d’Simonds, Espert, Troi, Vilier
Patron: S. Joan Baptista (24 de junh)
Centres esportius e servicis: champ da bòchas, area sosta camper (Plan Peire), parc juecs per mainaas (Santuari), area picnic (Santuari e Plan Peire)
Espòrts estius: promenadas, mtb, bici
Espòrts envernals: esquì nòrdic, chastras
Comuna
B.ta Chiesa, tel. 0175.978030
• Companhia transpòrts
Parola Viaggi, tel. 0171.940711
Web: www.comune.valmala.cn.it
E-Mail: comune.valmala@mtrade.com