Las valadas Pò, Bronda e Enfernòt entreçon passat e present, realtat e legenda.
Aquì natura, istòria, art e arquitectura se rescontron e se confondon entre lor.
Lo territòri a pas da manca de presentacions; parlant de Val Pò se navison aquelhi que son devenguts siei simbols: lo flum pus lòng d’Italia, lo Pò, nais ai pè del Viso, una presença que marca l’orizont e mincatant decò las vitas.
Arlòng de la val Pò se tròbon decò testimonianças d’un passat antic e gloriós: incisions sus las ròchas, monasteris, abadias, mas decò simplas chapèlas, conoissuas pas per lors qualitats artisticas o arquitectònicas, mas pituèst per la devocion de la popolacion locala. Chal pas desmentiar la produccion eno-gastronòmica que pòl vantar matèrias genuinas e tipicas, e la fòrta tradiccion artisanala ental sector del bòsc.
