Centre agricol e de vacança d’l’auta valada, se tròba ent’un cròs a la crotziera entre lhi valons d’la Chanal e de Blins.
Conoissut despuei lo secle X coma Vila Sant’Eusebi, fasia part di territòris cisalpins del Delfin de Vienne. Umberto II, lo darrier Delfin, ental 1330 fai construir un chastèl (Castrum Delphini), d’ente lo borg pilha lo novèl nom quora la populacion se meira aquì (1431). Ental XVI secle es teatre de violentas guerras religiosas al temp de la penetracion vaudèsa. Lhi Savòia ganhon aicì sus lhi Francés ental 1628, al temp de la guerra de succession del Montferrat. Passat sot lo renh de Sardenha embè lo tractat d’Utrecht (1713), ental 1743 sal siu territòri se passon afrosas batalhas entre Piemontés e Franco-Espanhòls.
Del chastèl resta quarque roina; just sot se tròba la Chapèla d’Sant’Eusebi embè cloquier a vela (XIV secle). A l’entrada del paìs, una tor cairaa es estachaa a la parroquiala dedicaa a S. Marguerita.
Da Chasteldalfin parton nombrosas promenadas, sustot al bòsc d’l’Alevè, e ascensions (Viso, Pelvo).

DA VEIRE:
– musèu etnografic “Ier a la Vilo”;
– Parroquiala de Santa Marguerita;
– Espaci Escartons
– centre visita Alevé;
– centre de documentacion “I Santi del popolo”;
– musèu en plen air d’art sacra “I Santi del popolo”